Kallinn bara kominn á Youtube!
Siggi Stein postaði þessu myndbandi á youtube.com og á Facebook:
Endilega að kíkja á þetta. Bara alveg fínasta performance, tel ég.
Jæja, búinn að fá nýja bílinn minn sem er Hyundai Santa Fe 2001 eins og þessi:
Og bara svona af gefnu tilefni vil ég svara fyrirfram spurningu sem ég hef fengið margoft eftir að við ákváðum að kaupa þennan bíl: Nei, Kristín er ekki ólétt. Ég veit að þetta er góður fjölskyldubíll en ég keypti hann fyrir fjórhjóladrifið og plássið.
Jamm
Bíllinn varð fyrir valinu. Sit hérna núna heima hjá Steina Frey og Söru í Reykjavík og mun sækja bílinn eftir ca. 3 tíma.
Bílasaga Aðalsteins
2001:
Árið sem ég fékk bílpróf. Byrjaði á svona bíl:
Þetta er Mazda 323 árgerð 1986. Ég keypti hana af afa mínum heitnum á 50þús krónur. Hann hélt lífi í ca. 1 ár, en þá gaf vélin eftir. Hún gekk, en bíllinn fór að eyða 20 lítrum á hundraðið. Hafði eytt ca. 7 fyrir það. Hann endaði ævi sína síðan á bílahaugum Patreksfjarðar.
2004:
Næsti bíll sem ég fékk var töluvert betri:
Þetta er Toyota Touring árgerð 1992. Hann fékk ég fyrir ekki neitt frá mömmu og pabba. Æðislegur bíll, komst allt. Ég ákvað síðan að kaupa mér Honduna mína og Ævar bróðir átti að fá Toyotuna. Hann endaði samt hjá stelpu frá Patró og síðasta sem ég heyrði af honum var að hann hefði verið afskráður.
2006:
Nú erum við komin að núverandi bíl:
Honda Accord árgerð 1996. Fallegur bíll, ekki því að neita. En undanfarið er hann búinn með alla sénsana sína og kominn tími til að skipta út. Hann eyðir 15-17 lítrum á hundraðið innanbæjar og þarf að gera við handbremsuna, skipta um spindla báðum megin að framan og bremsudiska og bremsuklossa að framan. Síðan í morgun tók bíllinn upp á því að beygja í báðar áttir í einu. Vinstra dekkið til vinstri og hægra dekkið til hægri. Spindilkúlan hafði gefið sig.
Nú er því svo komið að ég vil annan bíl.
2009: ?
Bíll til sölu!
Við Kristín ætlum að selja Honduna okkar þar sem við ætlum að fá okkur nýlegri bíl.
Bíllinn er Honda Accord 1996, keyrður 196þús. Hann á eftir að fara í smá viðgerð, sem verður gert fljótlega. Verðhugmynd er ca. 200þús.
Einhver sem hefur áhuga, eða veit um einhvern sem vantar ódýran bíl í ágætis standi?
Búinn með námskeiðið
Búinn að fá heilsugrillið mitt! :D
Jebb, náði 100 kílóa markinu í morgun. 🙂
Og þar með fékk ég verðlaunin mín: leyfi til að kaupa mér heilsugrill. Ég skipti þó um skoðun frá grillinu sem ég sýndi hérna á síðunni í þar síðustu færslu og keypti mér aðeins vandaðara grill, þetta hérna:
Það var samt ekki mikill verðmunur, þannig að þetta eru töluvert betri kaup að ég held.
Núverandi þyngd…
103 kg. Kílói léttari en síðasta sunnudag og samtals 7 kg farin síðan 5. janúar.